牛味

屢創新高，喺今日超越28,000點既時間做個紀錄，一兩年後睇吓自己係咪杞人憂天？

觀察到很多人的反應跟早幾年港股大時代很類似，越來越多人對股市感興趣，今次中國央行「定向降準」是否又會帶來「這次跟上次不一樣」的升市？

不知大家有否發現周遭的人對股市像我的觀察一樣越來越亢奮？

1. 身邊唔投資既朋友問點樣抽新股
2. 同事親戚朋友高談濶論股市
3. 個個都睇升，無人覺得會跌

牛味很濃，一起呼喊GOGOGO吧！

最近在看Fooled by Randomness的中譯版，內容有點困難，要時間消化一下，打算看看綠角兄的review以助理解。書中也有提到在升市時，人總會有「這次跟上次不一樣」的美麗幻想呢。

這個升市希望可以做到運氣好的傻瓜，一起等運到吧，祝大家好運！

用BCG Matrix 調配股票組合

讀商科時教授經常同我地講學習要 "connect the dots"，將看似互不相關的概念組合起來，把不同領域的學問融會貫通。當時聽完覺得有點可笑，教授似乎想將諾貝爾獎頒給「瀨尿牛丸」、「太陽能電筒」和「攞你命三千」一樣。但消化過後，才領略到 "connect the dots" 的大智慧。

成功的人為何要多看各種書籍？正正是希望從中找到不同的dots並連結起來。小學也有教，點可以連成線；線可以連成面。大家有玩過連線圖冊嗎？這是我這一代的童年回憶呢！將眾多看似無關的點點連起來，最後變成一幅圖畫，過程十分有趣！

早幾日忽發奇想，正在思考如何整理投資組合中股票的比重。假如要將股票分為幾類的話又應該怎樣分？腦海中閃過了讀商科時經典的 BCG Matrix，原本是應用於一間企業判斷自身業務的性質及未來成長潛力，從而作出資源調配的分析工具。如果將個人投資組合視為一個基金去管理的話，原理上似乎有共通之處。

P.S. 通常搭車 / 如廁 / 沖涼會有這些靈光一閃的IDEA，你們有試過嗎?

錯誤中學習

今日整理緊自己買賣既準則，希望盡量建立客觀既買賣機制，減少人為犯錯機會。整理過程中翻看一下舊文，搵下靈感，有感學習的最有效方法就是「錯誤中學習」。以下就回顧一下2015曾犯過的錯誤，睇吓自己有無進步過。

總結2014-2015慘痛既教訓：
接飛刀+無限補時+賺息蝕價=蝕到PK。

減少犯錯已經係提高贏面。為免重蹈覆轍，所以利豐、聯想、國泰呢幾隻我暫時係無入貨既。(如果時間回到2015年的我，好大機會入咗呢幾隻)


原文連結: http://psyinvest.blogspot.hk/2015/12/2015.html

1. 跌市過於集中買入

雖然今年大跌市時買入了不少股票，可惜過份集中買入一支，而偏偏那支股票反彈幅度最差。白白錯過其他看中，但最終沒有資金及勇氣買進的股票的可觀升幅。

警惕: 近期又入咗少少賭股，似乎重倉咗少少，應該要用換馬形式一買一賣。

2. 升市沒有增加現金比例

大時代開始後過於樂觀及貪心，雖然未有於高位接貨，但由於在2014年底及2015年頭已增持不少股票，應該趁大時代時適當地增加現金等待機會。

已改善: 雖然而家唔算好高位，不過都PLAN好逐步加多啲CASH 

3. 賺息蝕價陷阱

這兩年有兩支股票掉入了賺息蝕價的陷阱，而兩支的共通點是－業績倒退，貪高息率而買入是要付代價的。更慘的是兩支股票都開始減派息，蝕息蝕價！

已改善: 終於無再賺息蝕價...買賣時睇息率亦睇輕咗 

4. 溝貨太密

太心急，越跌越買，結果子彈減得太快，鎖死資金又未能有效減低買入成本。

已改善: 無再溝貨啦，仲學識咗止蝕，收返資金再等機會 

5. 勇於接飛刀

股價急跌不等如便宜，接飛刀後一手是血，幸好尚不算致命，當買個教訓吧。

已改善: 無接飛刀摸底啦，而家會等價格回升再追入 (待實證賺唔賺到錢) 

6. MPF收費太高

未有好好管理自己的MPF，3-4%的管理費居然可以完完全全地蠶食了所有升幅，未來繼續留意低收費的基金，將自己的錢管理好。

已改善: 已經轉晒去低收費基金 

7. 太心急買貨

見個股跌5-10%就急不及待入市，誰不知到超級大跌市時，投資氣氛極差，連股價超硬的優質股都非理性下跌，望著低殘的價錢只能嘆息。

警惕: 近排都手痕咗...要提提自己增加現金!!! 

8. 因小失大

(a) 為了慳手續費，一次過買入太多股數，浪費子彈。

(b) 為了慳一兩個價位，錯過買入機會。

改善一半: (a)而家每次買賣最多約佔倉位10%，唔錯  (b) 呢個未完全改到，有時都係師奶仔心態，為一兩個價位搞到成交唔到 

MPF轉到保守基金

唔覺唔覺升升下，恒指已經過咗23,991，按小學雞MPF Rebalancing策略，部份資金由股票基金轉到保守基金。


同時，股票倉都要計劃一下減持行動，不斷改善組合。

以前見邊隻有賺或升得多就賣走，結果個倉越來越多蟹貨，升咗既股就越升越有，想買都買唔返。

近期轉咗mindset，一方面平衡每隻股既資金比例，一方面採取賣走弱勢 / 業績差股，持有強勢 / 業績好股的策略，且看2017年尾時成效如何。之前大約$68沽清渣打，雖然實現咗唔少既虧損，但起碼心情輕鬆不少。下次止蝕要早啲、狠啲。

992聯想業績

自己992無貨，不過上年都心郁郁見佢低到咁殘諗過入少少。近期睇到有啲Blog友既文之後令我又對佢又有啲好奇，睇下佢份業績，當做吓功課又練習下睇年報都好。

一路睇業績時，我心入面會問一些問題，希望從中找到答案。下面同大家分享一下我既思路:

Q1.今年賺錢係咪生意好咗? 
睇返收入比上年仲少咗，即係生意仲差咗。

Q2.承上題，生意差咗點解比上年賺錢? 
因為今年經營費用大減13億美元

Q3.點解經營費用可以減咁多? 
上年重組6億，存貨報廢3億，今年無呢兩條數。即係其他地方仲慳咗4億

Q4.有咩地方慳咗4億? 係咪節省成本或提升效率?
行政費用! 慳咗3億 ==> 因為裁員! 少咗人做嘢 => 生意差 => 惡性循環開始?!

Q5.會唔會買入992?
唔買...衰股可以一沉百踩。Esprit、渣打、利豐，前車可鑑。博跌緊既業績反彈不如過大海賭大細。

小學雞MPF Rebalancing策略

呢篇文係小學雞程度用MPF做Rebalancing，而且只是初步實驗階段，成效有待驗證。制定此策略的目標很簡單，就係打敗2009-2015的基準回報率，6年 = 0%。睇返Statement，過往供咗六年都係得個吉真係好無奈，加上而家人工多咗，MPF越嚟越大舊錢，決定要改改個操作，為退休生活打好基礎。

基準: 2009-2015，6年分散投資於國際股票、亞太股票、中國及香港股票等，期間沒有做任何轉換，每月新供款全數供入各基金，最後得出 0%回報成績，「成功保本」。

目標: 2016-2022，用以下Rebalancing策略，錄得正回報，並跑贏恒指。

為咗爭取比以上基準線更高的回報，上一年開始重整自己的MPF，做咗頭兩步。今年為咗寫呢篇文又再進一步，做埋第三步。

沽出兩手iBond 2016

今日開市沽咗兩手iBond 2016-2019 (4231)，作價$10,377。有趣的是，我發現上年的iBond 2015-2018 (4228) 價錢更高，居然賣到$10,417，一於沽埋佢，還下債先。大家不妨留意下iBond 2015交易價！

未知是因為用銀行牌更較低抑或是暗盤價更高，大家可以參考咚兄可以賣到更好的價錢。


下午補充: 早上iBond 2015-2018 (4228)似乎是有價差或有些莫名的炒作，現時價錢已回落不少。雖然只是小數目，但賺多一蚊得一蚊都係好事，尤其係我呢類蚊型資金投資者，一分一毫可不是小數目呢。暫時看來早上賣出4228的決定是對的 :)

我的投資紀律 (三) - 完

我的投資紀律 (引言)

我的投資紀律 (一)

我的投資紀律 (二)

來到這個系列的最後一集，各位可通過以上連結重溫前集。

第三條：緊記買入、賣出的目的。

 股海浮沉，銀行及證券所有交易就有佣金。所以，他們會設法引誘你出出入入，買買賣賣。面對每天不同的股價，止賺、止蝕位當然是不斷「搬龍門」，總之讓你唔買 (賣) 就身痕。

每個投資者買入資產或投資物都有不同的目的，而因著這個「目的」採取不同的策略及決定。

我的投資紀律 (二)

再次執筆這個題目，奉行「三」的簡潔原則，這個系列只會有三集。這個系列的性質與森而兄的森而的程式投資類近，但森而兄的程式肯定比我的紀律更為嚴密，鼓勵大家到森而兄的Blog參考。本Blog系列的前集則請到以下連結：

我的投資紀律 (引言)

我的投資紀律 (一)


這段時間以來一直翻來覆去在想第二跟第三條應該是什麼，自此系列的上集推出後，很久沒有更新過。原因是我想了很久也未能落筆。在投資路上自問只是初哥一名，有很多想法每時每刻都在改變，同時也因為新吸收到的知識及各Blogger的分享衝擊著。事實上，我這兩、三年的投資成績也未如理想，暫時仍是負回報，仍然有太多需要檢討的地方。各位參考本Blog的文章時也應注意一下，切勿盲目跟從。

我的投資紀律 (一)

第一條：跌市SET價，升市忍手。

這一星期以來雖然有很多股票仍是在「心動價」，但面對不斷升升升的市況，仍是要忍一忍手，切勿心急。

之前入了不少貨，現在趁機休養生「息」。

忘記升幅與跌幅

其中的兩隻持股於7、8、9月一輪急跌後，在近一星期卻又逐漸收復失地，上落波幅足足有股價的三成。如果要試圖去解釋這些股價起起跌跌的原因的話，我只能答：「無得解」。

與其花時間去苦思升跌的時機及原因，倒不如花時間去了解這些公司發生了什麼事。一間公司在產品價格大跌下仍能努力維持盈利，保持派發與上年一樣的股息；另一間則在一片唱淡國內經濟的聲音中保持銷售的穩定增長，顯示其龍頭實力。既然公司仍在，盈利仍在，又何須記掛每天股價上的升幅、跌幅？

我所留意的是過往幾個月的操作，在低位時有否緊守自己的投資原則，執行好投資的計劃？而我更關心的是以現在的價格及資產分配情況，是否有機會讓我加重注碼？ 我恨不得這兩間公司的股價在低位再徘徊多一段時間，因為我未入夠貨！現在只能耐心等待下一次的機會了。

由年頭的「大牛市」到7、8、9月的愁雲慘霧，然後又到近日的「谷底反彈」，讓我深深體驗到機會時時有，但只會留給有準備的人。機會未到時更應該耐心等待，韜光養晦，等待合適的時機出擊。反思這幾個月的操作，我仍有很多進步的空間，下次可以準備得更好的。

在戰場中死不掉的士兵，即使受點傷，在往後的戰役中生存的機會將大大增加。紙上談兵的，難以感受於戰場上的恐怖滋味與生存之道。

我的投資紀律 (引言)

投資，應該是理性的。當市況淡靜時，我們不難保持平靜的心情提醒自己要理性分析，作出合理的投資決定。但當市況波動時，理智往往被感情操控，繼而做出錯誤的選擇。

有真金白銀投資過的朋友一定經歷過以下的心路歷情：

市升時，望著全板上升的股票，你開始後悔自己沒有於低位入貨，計算著自己賺少了的差價。尤其那些你一度留意過的股票，每跳動一下都觸動著你的神經，你恨自己不夠決斷，不夠勇敢，白白錯失了賺錢的機會。