992聯想業績

自己992無貨，不過上年都心郁郁見佢低到咁殘諗過入少少。近期睇到有啲Blog友既文之後令我又對佢又有啲好奇，睇下佢份業績，當做吓功課又練習下睇年報都好。

一路睇業績時，我心入面會問一些問題，希望從中找到答案。下面同大家分享一下我既思路:

Q1.今年賺錢係咪生意好咗? 
睇返收入比上年仲少咗，即係生意仲差咗。

Q2.承上題，生意差咗點解比上年賺錢? 
因為今年經營費用大減13億美元

Q3.點解經營費用可以減咁多? 
上年重組6億，存貨報廢3億，今年無呢兩條數。即係其他地方仲慳咗4億

Q4.有咩地方慳咗4億? 係咪節省成本或提升效率?
行政費用! 慳咗3億 ==> 因為裁員! 少咗人做嘢 => 生意差 => 惡性循環開始?!

Q5.會唔會買入992?
唔買...衰股可以一沉百踩。Esprit、渣打、利豐，前車可鑑。博跌緊既業績反彈不如過大海賭大細。