2017年8月1日 星期二
和記電訊大贈送?!
傳咗幾個月,和記電訊終於公佈以145億售出固網業務。但市場反應麻麻,復牌後只係升咗大約10%,現價$3.03,市值是146億。固網業務的售價已經等同市值,莫非非固網業務是「負資產」?
公告中指出賣產的預期所得溢利是57.5億元,由於不太認識當中計算方法,需要稍後再仔細了解。
為了了解非固網業務是否「負資產」,翻看了2016年公司年報。比較固網業務與整體業務的資料如下:
1. 固網收益 41億,佔總收益120億之34%。
2. 固網 EBITDA 12.52億,佔總EBITDA 24.6億之50.8%。
3. 固網資產淨值 35.84億,佔總資產淨值 121億之29.6%。
從以上數字顯示剩餘的流動業務及其他業務是有一定價值的。但市場可能比較憂慮出售固網業務後的公司前景及所得資金未有出路,所以股價升唔起?
總結一下:
正面因素:
1. 現價買入的話,非固網業務算是「免費贈送」
2. 如派特別股息有機會炒高
3. 「輸」的可能性不大,除非公司以財技將賣業務所得現金搬走
4. 十月就完成交易,等待時間不算長
負面因素:
1. 公司持現金但無好的投資項目
2. 如公司不派特別股息,小股東無直接得益
3. 賣出固網業務後,剩餘業務步向萎縮或失去業務間的協同效應
停牌前傳出賣價是94-117億港元時已買入一注,公布消息後$3.09再加一注。個人認為現價頗為值博,靜待往後發展。
Blog友們認為有其他負面因素嗎? 不妨提出討論。
訂閱:
張貼留言 (Atom)
我都覺夠值博率,補回貨.再看老兄評論,信心倍增,謝謝.
回覆刪除小弟非專業分析...有錯或有睇漏的話多多指教
刪除Billy兄兩次買入價都比我靚。我分別$2.96 同 $3.09 高位接貨 :(
刪除分析有理!
回覆刪除其實,賺50億都好多。
你看,長和成萬億資產,到係賺300-500多億。
但和記香港從母公司看是粒豆咁上下。
謝價值兄認同。
刪除長和業務多元化,發展前景又較好,估值比和記高都合理。
小公司業務簡單年報易睇好多 :) 和記年報尚可勉強睇得明,長和年報我真係睇唔明...太複雜
噢, 醉心兄好少講個股wor, 所以即刻睇睇.
回覆刪除你的理據也不錯. 輸的機會不大. 向上就不可而知了. (不過,既然輸既機會已不大, 基本上已封蝕本門. 所以呢隻可以留意, 小注都OK) 多謝推薦
講個股我怕講錯資料累街坊 :P 今次和記case比較簡單先有信心分享下咋。
刪除「輸的機會不大. 向上就不可而知了」
參考孫子兵法:「先為不可勝,以待敵之可勝。不可勝在己,可勝在敵」。唔輸就滿足了
“講個股我怕講錯資料累街坊”
刪除醉心兄太謙虛了,大把開班人士收貴學費、仲要教錯嘢,你叫佢地情何以堪~
我巳經食了一次, 再補貨希望有特別息!
回覆刪除而家個價錢似乎唔預佢派特別息,如果派特別息炒高我會考慮賣走啦。
刪除呢排谷恆指, 影響和記, 大家考慮北京金隅, 我重倉!
回覆刪除//呢排谷恆指, 影響和記//
刪除請指教兩者關係?
//大家考慮北京金隅, 我重倉//
無研究過呢隻,期待隨兄寫篇文分析下