MPF轉到保守基金

唔覺唔覺升升下，恒指已經過咗23,991，按小學雞MPF Rebalancing策略，部份資金由股票基金轉到保守基金。


同時，股票倉都要計劃一下減持行動，不斷改善組合。

以前見邊隻有賺或升得多就賣走，結果個倉越來越多蟹貨，升咗既股就越升越有，想買都買唔返。

近期轉咗mindset，一方面平衡每隻股既資金比例，一方面採取賣走弱勢 / 業績差股，持有強勢 / 業績好股的策略，且看2017年尾時成效如何。之前大約$68沽清渣打，雖然實現咗唔少既虧損，但起碼心情輕鬆不少。下次止蝕要早啲、狠啲。

渣打華麗轉身？

話說我Banking一路都好少用渣打，因為其分行不多，又似匯豐、中銀咁要有一個戶口傍身，方便Transfer錢銀。早兩年甚至連細細個時憑籍903演唱會同叱咤飛曾經風靡一時的「Manhattan Card」都Cut埋。從此無再做渣打客仔，但唔知痴咗邊條根，居然見佢跌咗少少就衝咗去做股東，諗返都覺得搞笑。

渣打股價繼續低迷，但近幾個月，渣打有兩件事又吸引到我想選用佢既服務，話唔定業績可以嚟個華麗轉身？

又講兩句渣打

純粹抒發個人意見及感受，自己投資及買賣，請自己分析及負責。

渣打跌下跌下，昨日仲跌穿埋$60，雖然今日彈返上嚟，但陰啲陰啲跌，其實彈少少真係無乜作為。過去的價格對今日的情況而言已經毫無關係，「有早知，無乞衣」，而家就梗係個個都識講話$100渣打都係貴，但你又點知過多一年半載後你會唔會覺得而家$60都係貴?

入貨前應該要仔細考慮一下，唔好見價錢跌咗好多，好似好平就狗衝入市。我就選擇一動不如一靜，平平哋供完股，觀望下業績先再作決定。個人考慮因素如下 (只供參考)：

一、個人有需要增加現金水平，除非有超筍機會，否則要等現金回流

二、渣打前景不明，新官剛剛上任，要一段時間才會見成績，而前朝積落的問題唔似係一時三刻可以解決到

三、用機會成本來看，市場上有更好的選擇，無謂放太重注碼在一支前景不明的股票

四、已供股，少量加了碼，再加碼的動力不大

五、繼續持有我都仲可以接受，反正現價計我又覺得值得坐下，賣完又唔知買乜好，我又無需要出到賣股呢招去增加現金

如果Winters真係咁做得嘢，下期業績已反映到有改善，到時再加碼都唔遲。睇上次份半年業績連佢自己都唔係咁樂觀，雖然唔可以排除佢想嚟一招「置諸死地而後生」，方便自己之後做靚盤數，但既然50/50的話都係小心為上。

祝各位股東好運！

反面教材 – 我的渣打銀行投資

人，總喜歡分享自己的喜悅。我們不難得知朋友或BLOG友的投資成功經驗。相反，投資失敗的經驗卻甚少有人分享。畢竟醜事不出門，連自己都不想看到的蟹貨，當然不會想與人開心SHARE了。

可是，從失敗中學習才是最深刻的。以此文為自己留下一個紀錄，提醒自己別要再犯同樣的失誤。以下就我這兩年投資渣打的心路歷情作個簡單紀錄，各位讀者就請自行領悟了。