恒指PE及息率

恆生指數估值(資料提供:Analystz.HK)

2016年10月25日 星期二

劏房日記 (一) - 劏房初體驗



這幾年結婚後組織家庭,又忙於工作,時間過得特別快。昨晚夜闌人靜,想起早幾年住劏房的時間,歷歷在目。趁自己仲記得,想想不如將一些深刻的經歷或趣事在Blog中以日記形式寫下,日後翻看定必百般滋味在心頭。

第一回...劏房初體驗


細個成日聽上一代住木屋住板間房,尤記得讀書時新聞常會報導板間房/籠屋住戶居住的惡劣情況,衍生出一系列個人衛生、消防安全等問題,雖然個案值得同情,但離自己生活太遠,沒什麼大感覺。


小時候最差的算是住過徙置區,現在已經絕跡了,但年紀太小沒什麼印象,只聽老媽說當年衛生很差,鼠患嚴重。到我有記憶時,已經搬入公屋的一個小單位了。三至四人住有點擠迫,碌架床是當年各家各戶Must-have item。全屋除了廚廁以外是開放式設計,最多以組合櫃當間隔牆用,似乎比現時的新樓實用。有獨立廚房,廁所有窗,現今罕有吧!另外,因為是尾房,所以開放式的廳+房也有個小窗。還記得當年廚房跟廳有一排玻璃百葉窗透光用,睡床就在百葉窗外,可以看著老媽煮飯...?

因為家庭人數增加了,申請了搬去一個大約400呎的單位,等了幾年,終於在中一的時候搬到另一區,重新適應新生活。當時知道可以與弟弟有一間房真的開心到幾晚瞓唔著,對一個基層小朋友而言有自己的房間是很有優越感的一回事。

之後,讀書期間經歷金融風暴、SARS、金融海嘯等,或許是我的圈子比較窮,那個年代學生根本不會提買樓之類的話題,只是有少數比較「懂事」的同學開始研究怎樣在畢業工作前將一間公屋弄到手。

同時,在最近十年左右的時間吧,鮮有板間房/籠屋的新聞出現。這是好事啊?我們進步了!這些廉租房升級成了劏房啦!我沒有住過板間房,不清楚劏房是否等同現代板間房。只是我從來沒有想過原來要租一個獨立單位負擔會這樣重!在為了省錢的前題下...我踏上了大約3年的租劏房之路。

(寫完發覺上面前半段比較似「序」...)

"講起租劏房,很多人會問年青人為什麼不跟父母同住?所謂相見好、同住難,為了省租房錢令家嘈屋閉甚至變成倫常慘劇又有誰負責?又問為何同父母不能和睦共處?這樣追問根本沒完沒了...今次還是集中回憶劏房吧。"

第一間住的劏房是朋友介紹的。由於他計劃搬走,剛巧我要找地方住,於是業主簡單清潔後,就從他手上接過來續租了。

劏房位處市區黃金地段,交通方便,3分鐘內已到地鐵,樓下巴士小巴乜都有。附近有街市,食肆及商場更是多不勝數,甚至還有戲院、書店等。

大廈是一層洋樓,一梯只有兩伙,聽聞集權頗集中,不少單位已改建成劏房。推開大閘,未見官先打三十大板,要上大約十多級樓梯才到電梯大堂,搬屋時耗上不少體力,慶幸當年後生體力夠,傢俬入伙再買,搬搬個人物品,尚算輕鬆完成。

到了單位所在的樓層,果然兩伙都是劏房。打開大門後,內有4個「獨立單位」,感覺尚算企理。來到一人住的單位,面積當然很小,大約一百多呎吧。搬了些個人物品過去後,基本上只能在床上活動......業主細心的將洗手盆二合一,廚廁共用,讓廁所感覺上頗寬敞。廚房則是酒店式的Open Kitchen,當時有點不習慣,現在大家應該習以為常了吧。睡床即是客廳、隔牆就是廁所、痾完準備食物,煮完上床吃飯,食完立即瞓覺,住久了大概雙腿會退化。

但求有個地方瞓的話,可以接受吧。重點是夠平,$2200。2016年的今天,租金大概翻了一倍。



26 則留言:

  1. 回覆
    1. 應該是「生存」空間真係唔平......衣食住行, 食同住最難搞

      刪除
  2. 無奈市場有明顯需求,今日報紙有講太空艙。
    不知這是否香港的宿命?
    無理由星加坡做到,我哋永遠迫埋一齊,開盤鬥細,鬥熱銷。

    回覆刪除
    回覆
    1. 一個大單位開咁多床位住成20個人真係Crazy! 繁榮都市的K型現象

      刪除
    2. 我都想知為何有價有市

      刪除
  3. 相見難,同住更難,我體驗過,哈哈XD

    回覆刪除
    回覆
    1. 一齊住磨擦少不免了...最怕日日家嘈屋閉

      刪除
  4. 的而且確,有d家庭既關係真係差得好緊要,咁搬出黎都無可口非。但有唔少都係要追求自己既空間,情願付出咁多去換咁少既私人空間。我以前同屋企人住,同阿哥上下格床,都係咁。

    回覆刪除
    回覆
    1. 係...我都成日同身邊人講如非迫不得已,同屋企人住慳返D租金啦!

      刪除
  5. 原來你讀書時代已經咁獨立, 勁!~~~~~~

    回覆刪除
    回覆
    1. 嗯? 好像沒有提我的讀書生活 XD 莫非70後兄看到了什麼端倪?

      刪除
    2. "讀書期間經歷金融風暴、SARS、金融海嘯"

      我以為你讀書時已一個人住, 可能我又睇錯.

      刪除
    3. 讀書時都係同屋企住 :)

      刪除
    4. 因為我懶...無乜兼職收入,無本錢搬出去 XD

      刪除
  6. 池某細個時最差的居所也差不多,公屋細房,96呎,一家人逼埋住,時間一長就好壓抑好火爆。

    回覆刪除
    回覆
    1. 池兄細個就咁火爆 XD 回看以前唔夠二百呎3-4個人住....現在的豪宅劏房係大咗既,百幾呎一個人住。

      刪除
  7. 我最差都係5個人住200尺公屋,比起劏房應該算幸福。

    回覆刪除
    回覆
    1. 上面間劏房我一個人住好幸福了...有D可能一家三口都係住呢D 70-80呎劏房 :(

      刪除
  8. 近幾年房署每兩年就到所有公屋單位進行家訪 聽講每次都有幾千戶被踢走 再加上工廈劏房被政府各路人馬圍剿 司馬昭之心路人皆知 強迫冇置業能力嘅人出去接火棒 所以劏房租金有價有市 而家啲後生火爆原因都係~(逼出嚟)

    回覆刪除
    回覆
    1. 公屋踢唔合資格既人走又啱喎,不過新住戶母語多數係普通話就真係無奈。

      劏房取締完又唔幫手安置住戶係真PK。

      之前仲成日話人口老化,「鼓勵」人生仔,住都唔夠地方,真係生條毛。

      刪除
    2. 醉心兄。 記得以前在戲院門前掃街食飽才入場嗎?真懷念 ~ 治國從寬  治軍從嚴  法律不外乎人情  假如我將全香港嘅垃圾箱收埋 就隨地掉垃圾嘅人有罪嗎? ~ 有 ~ 但錯不在隨地掉垃圾 係錯在冇垃圾箱 一個七旬婆婆被食環署票控倒水落行人路 在法律上正確 但執法方式唔正確 我相信法律存在於世上嘅最终目的(係阻嚇而唔係執行) 我認同長遠嚟講要收緊公屋入住資格 但唔係現在 以現在嘅樓價同租金水平 無論有千百個理由 ~ 其目的就係推人落火坑出去高位接貨 高樓價誰人做成? 有頭髮邊個想做癩痢? 我身邊就已經有很多冇頭髮嘅人(哈哈)  至於合資格與否 想藉醉心兄人氣旺盛開個題目大家討論吓 有甚麼方法能夠短期內解決到公屋輪候問題??相信題目會相當火爆

      刪除
    3. 醉心兄。 記得以前在戲院門前掃街食飽才入場嗎?真懷念 ~ 治國從寬 治軍從嚴 法律不外乎人情  假如我將全香港嘅垃圾箱收埋 就隨地掉垃圾嘅人有罪嗎? ~ 有 但錯不在隨地掉垃圾 係錯在冇垃圾箱 一個七旬婆婆被食環署票控倒水落行人路在法律上正確  但執法方式唔正確 我相信法律存在於世上嘅最终目的(係阻嚇而唔係執行) 我認同長遠嚟講要收緊公屋入住資格 但唔係現在 以現在嘅樓價同租金水平 無論有千百個理由 ~ 其目的就係推人落火坑出去高位接貨 高樓價誰人做成? 有頭髮邊個想做癩痢? 我身邊就已經有很多冇頭髮嘅人(哈哈)  至於合資格與否 想藉醉心兄人氣旺盛 開個題目大家討論吓 有甚麼方法能夠短期內解決到公屋輪候問題??相信題目會相當火爆

      刪除
    4. 醉心兄点解刪除留言?
      係咪有難言之隱?

      刪除
    5. 有堆留言落咗垃圾桶...啱啱救返出來。放心...我一向唔會BAN大家留言 (除咗真正SPAM)

      刪除
    6. //記得以前在戲院門前掃街食飽才入場嗎?真懷念//
      無咗小販固然可惜,但街邊小販衛生情況確係不敢恭維。

      //假如我將全香港嘅垃圾箱收埋 就隨地掉垃圾嘅人有罪嗎? ~ 有 但錯不在隨地掉垃圾 係錯在冇垃圾箱//
      呢樣我就唔認同喇,日本韓國都好少垃圾桶,但人地好自律。我認同公屋資源問題很複雜,很難與垃圾桶這個例子混為一談。

      //我認同長遠嚟講要收緊公屋入住資格 但唔係現在 以現在嘅樓價同租金水平 無論有千百個理由 ~ 其目的就係推人落火坑出去高位接貨 高樓價誰人做成? 有頭髮邊個想做癩痢? 我身邊就已經有很多冇頭髮嘅人(哈哈)//
      我相信政府認真做的話不會無理地迫走一些真正有需要的人,我沒有留意到近期有這類新聞,y兄會否介意分享一下? 如果只是傳聞的話似乎不足為信...相反也有不少傳聞說公屋很多富戶,甚至持有幾個物業呢,但我也很難拿出什麼確實證據。

      近期取締工廈劏房的行動我已在之前的留言表述立場。

      //想藉醉心兄人氣旺盛 開個題目大家討論吓 有甚麼方法能夠短期內解決到公屋輪候問題??相信題目會相當火爆//
      y兄太抬舉了,一來本Blog人氣不算旺盛,二來我也不是什麼公共政策的專才,要提出建言恐怕是班門弄斧,只能做做塘邊鶴...哈哈。

      小弟愚見短期措施在供應方面要積極收回空置及濫用的公屋,甚或將一些大單位臨時劏成兩個單位,加快流轉。需求方面,或許要從稅務安排著手,與家人同住或沒有手持物業的人可以獲得稅務減免等。但公屋資源始終是件肥豬肉,很多人希望從中取利,政府也只能盡人事吧。

      刪除
    7. 自從冇咗掃街之後 真係少咗好多肚痛~哈哈
      可能我老喇太長氣 感情用事 世間何來黑與白

      刪除