恒指PE及息率

恆生指數估值(資料提供:Analystz.HK)

2016年7月22日 星期五

收息的不敗假設

以前讀心理學時總有各種南轅北轍的學派拗足一百年都可以沒有結論。最經典的莫過於性格的先天及後天論。Nature派話三歲定八十,江山易改,本性難易,外貌就更加係遺傳自父母 (以前無咁多整容,而家就話科技先進,隨時變范冰冰)Nurture派則大言不慚道:「隨機給我一個健康的嬰兒,我可以將他訓練成醫生、律師、乞丐或劫匪」。

死記硬背各大Theory真係差D讀到自己都要睇心理醫生,因為根本混亂到唔知講乜,一時一樣。人性本善同人性本惡兩個不同假設,已經可以有排爭論是否繼續用酷刑或死刑去處置罪犯。慢慢你會掌握到要讀會這科的精萃在於搞清楚各理論背後的不同假設,在不同的情況引用適合的理論去支持自己,是為騎牆或世界仔。
  
本文就同各位探討對於「收息為王」本人愚見下的一些假設:
  

1. 買入的一定是「優質」投資物。

2. 買入價在「低位」

3. 有能力在低位「再加碼」,即越跌越買。

4. 收到的利息會不斷增加,最差情況下保持「平穩」

5. 收到的利息用於「再投資」

6. 市場價在「結算時」比買入價為高。


加入收息行列之前,你自問又是否清楚以上假設? 


回到不同派別的爭論,既然雙方各有理據,而雙方亦有「證據」證明自己的論點,最老土的結論就是「世事無絕對」,或者管理學中較為新派的System Theory是「只有真情趣」。

45 則留言:

  1. 大家拗下拗下, 就要睇下人數. 社會上既定義係: 人數多既一邊穫勝. :)

    回覆刪除
  2. 買股收息的問題永遠還是派不派息的控制權在他人手上

    回覆刪除
    回覆
    1. 請參考假設4. 收到的利息會不斷增加,最差情況下保持「平穩」。

      XD

      唔好駁故先得假......

      刪除
    2. 嗯..REIT 似乎是穩定收息 / 收租的選擇, 不少BLOGGER的組合都有REIT. 我認識不多, 會花時間研究一下

      刪除
  3. 如果次次派完息,股價都繼續上,即你所假設既優質股,通常依個狀況股價一定升到洪洪聲水份愈來愈高,咁隻股既股息率好快就會被壓得好低,咁仲收唔收息好:)?

    回覆刪除
    回覆
    1. 請參考假設4. 收到的利息會不斷增加,最差情況下保持「平穩」。請參考假設

      XD

      刪除
    2. 假設4既最差情況係假設中既假設,其實由頭到尾,派幾多息、派唔派息,都唔輪到我地D散戶話事,最慘有人教人地要當自己係老闆,要好似做生意咁,我都未見過有人做生意做到咁卑微,乜都話唔到事。

      刪除
    3. 以上當然係優質股,賺息賺價,但股價不停破頂,是否應該繼續收息?

      刪除
    4. //最慘有人教人地要當自己係老闆,要好似做生意咁,我都未見過有人做生意做到咁卑微,乜都話唔到事。//

      拎十幾廿萬做老闆回報數以倍計! 但如果不是老闆料子, 又不願花精神時間打理生意, 唯有自欺欺人買股票當做老闆啦.. 經濟學第一堂都有教ENTREPRENEURSHIP係其中一種資源, 咁值錢一定有佢原因既.

      刪除
    5. 900 符合假設4
      十數年往績沒有減過

      刪除
    6. 敢問900能否同時符合其他假設? 只符合單一假設的話,「收息為王」是不成立的。

      另外,往績不代表將來,重點是未來股息能否保持。收息股一旦減派息將會萬劫不復。

      刪除
  4. 現實中哪有這麼多假設?市場沒有義務去滿足某個人的主觀假設,假設越多,成功的機會就越細,把「假設」當成「證據」更是打橫來講。

    回覆刪除
    回覆
    1. 所以咩科目都好,理論同實踐往往係兩回事 XD 讀完書出黎發現,點解返工用唔著既?!

      刪除
  5. 咁邊隻股符合上述假設先得 gah?

    回覆刪除
    回覆
    1. 我都想知...一齊學習,共勉之..

      刪除
    2. 唔知點解..我收到既訊息係好多人都「以為」搵到, 可能我諗多咗?

      刪除
  6. 唯有參考該股五年或十年間派息。
    同埋睇派息比率,佢搵十蚊派九蚊同搵十蚊派三蚊。搵少左錢既時間邊個易減派?
    其實唔影響別人,自己買黎收息無咩好講,想有舊錢現兜兜隊埋黎作生活費呀,可能佢減派一本,人地又有兩三年洗費既現金作buffer 呢

    回覆刪除
    回覆
    1. //唯有參考該股五年或十年間派息。
      同埋睇派息比率,佢搵十蚊派九蚊同搵十蚊派三蚊。搵少左錢既時間邊個易減派?//

      渣打...中咗招, 反面教材, 有版俾大家睇 /_\

      //其實唔影響別人,自己買黎收息無咩好講,想有舊錢現兜兜隊埋黎作生活費呀,可能佢減派一本,人地又有兩三年洗費既現金作buffer 呢//

      啱呀, 所以唔好盲跟人地做呢

      刪除
    2. "人地又有兩三年洗費既現金作buffer"~

      但萬一買左哋嚴重賺息蝕價的股票,咁即使有股息俾當事人熊市時買個麵包,長遠可能都係賠了夫人又折兵~~

      刪除
    3. 收息栽在金融股手上,屢見不鮮。

      刪除
    4. //收息栽在金融股手上,屢見不鮮。//

      所以內銀...都係金融股啊...大家自己諗, 溫馨提示出現不只一次了

      刪除
  7. 好難滿足哂呢D條件,如果有咁ge股,值得揸一世了。

    回覆刪除
    回覆
    1. 唔知點解..我收到既訊息係好多人都「以為」搵到, 可能我諗多咗?

      刪除
  8. 股票市場選擇非常多,SET多幾個條件作為買入參考沒什麼問題,合自己的投資取向就行了,我的取向都是高息REIT為主,股息通常保持平穩,少少下降可接受。

    回覆刪除
    回覆
    1. 以上是「假設」,並非條件,我想指出係好多人唔理解「收息」背後的這些美麗「假設」

      刪除
  9. 很多假設都會隨時間改變,如果不會持一隻股票30年,那即使是一刻也不刻持有

    回覆刪除
    回覆
    1. //如果不會持一隻股票30年,那即使是一刻也不刻持有//

      似乎呢句都係一個會隨時間改變的「假設」

      刪除
  10. 我在十三蚊買入13号的時候都係同一想法,但當股市跌下去時你的信心便會動搖。
    最後我在股價五蚊時加倍買入!
    無論如何,了解上市公司及市場是必要的!

    回覆刪除
    回覆
    1. 低位溝貨不簡單,匿名兄一定對該公司十分有信心。

      刪除
  11. HELL0 修息絕對唔等於不敗 就好似冇最好打嘅武術只有最好打既人一樣 息率只不過係金錢 金錢係要嚟同股市溝通嘅工具 就好似係討論區用文字溝通 同股票就用金錢溝通 工具唔可以令人不敗 不敗嘅應該係技術

    回覆刪除
  12. 回覆
    1. y 兄這個比喻唔錯。武功各師各法,唔同體質啱練唔同既武功。唔同武功亦有唔同Level既師傅同門生,甚至可能有異端分門立派。

      刪除
    2. 時刻要提醒自己嘅十四個字 [強中自有強中手一山還有一山高]

      刪除
  13. 回覆
    1. 多謝支持,估唔到呢個帖有過千點擊,以小弟Blog文計,數一數二。

      刪除