我太太係一個較為現實的人，早兩日玩PS4我話要儲獎盃，佢就面帶不爽，然後問：「儲黎有咩用？關咗機咪又係乜都無」。嗰下我呆一呆，霎時間唔知點駁佢，亦唔想駁佢，因為佢講呢句重點係唔LIKE我打機 :P 其實全世界女人都係唔鍾意男人打機架啦，都唔係咩新鮮事！
點知更精彩既係…過咗一排，我買咗隻叫Overcooked既Game同佢一齊玩，一隻簡化版多人合作的Cooking Mama，邀請佢玩咗幾關之後，佢之後竟然主動叫我開機同佢玩，仲話要一齊儲齊啲獎盃！
係呢？儲獎盃有乜用呢？爽！開心囉！又唔使下下換到錢或換到咩實質嘢先會「開心」既，有時開心就係簡簡單單花啲時間做下無謂嘢囉！
係呀，打機/玩遊戲關咗機就乜都無。咁拉遠少少睇，其實做人都好無謂，可以無限放大為以下例子：讀書成績好又點？出黎做嘢唔一定人工高；打波叻又點？離開球場咪又係普通人；搵到錢又點？銀行戶口多幾個零得你自己知啫；高薪厚職又點？退咗休識你老鼠。
而最終極既例子係…人終有一死。走嗰日咪同關機一樣囉，咪又係乜都帶唔走，咁成世人流流長真係乜都唔使做啦！哈哈！XD 下次我要記得咁樣反駁下我老婆睇下佢有咩反應先！
下篇再繼續探討...人生。
#扮小學雞玩hashtag
#下集唔知幾時出
#成日爛尾
#點解blogspot無hashtag
咁答老婆會死架喎....哈哈
回覆刪除順便投稿去「十萬個激嬲女友」專頁，表現「花式自殺」...
刪除她日日睡著你身邊，你日日都吃她造的飯餸，我勸你寧願得罰梁振英,都吾好得罪老婆
回覆刪除Billy兄的經驗之談我會記住的! :D
刪除人生就是happy wife, happy life... 共勉之
回覆刪除所以我都係大大聲喺呢度講....老婆唔知
刪除肥公主可以一齊打呀!
回覆刪除等佢一出即刻Download!
刪除去面書開個專頁就可以玩hashtag
回覆刪除我太懶...寫文都疏，無謂搞大佢。喺度自High下，開心過就算。可能Google用Tag，唔用Hashtag
刪除正喎。日常小事中見哲理。
回覆刪除心血來潮廢UP下。竟然毒到我老婆玩Game呢下實在太High，簡直係一個成就，絕對要寫篇文留念。
刪除醉心兄哩篇文很有啓發性，「有時開心就係簡簡單單花啲時間做下無謂嘢囉」完全同意，留名埋睇人生(下」) XD
回覆刪除Yes! 對有D人黎講，可能最開心既回憶係搵錢 / 升職 / 加人工等，但對我黎講，最最最最開心既一D片段係做過既一堆低能嘢...諗返都忍唔住狂笑
刪除此篇甚有莊周夢蝶之意，人生原本就係個過程，萬般帶不走，過程開心咪得囉。
回覆刪除夢一場，因為寫BLOG識到大家都係很特別的緣份
刪除事實也如此，人可控制的事也只有2/3成，其他也是隨緣。。。很多事也取決於你心態，會否享樂去取捨本來萬般帶不走的東西。。。
回覆刪除至少條路點走自己可以選擇，結果如何就隨緣吧 =)
回覆刪除