恒指PE及息率

恆生指數估值(資料提供:Analystz.HK)

2016年4月27日 星期三

小茶飯系列(1):人流小爆發



之前提過小弟機緣巧合之下開展了一個小茶飯,其實都係得個做字。我是一個免費打雜,「老闆」另有其人,正所謂「有力出、無糧出」兼且經常被「老闆」鞭策。不過邊做邊學下,學到唔少嘢,同時亦發現「打工」真的太簡單容易,令我更珍惜現有份正職。平常「打工」每月準時出糧,下班後就私人時間,放假又可以玩個爽,但小茶飯要解決的問題及待處理的工作簡直無日無之,放假與工作已經劃上了等號,要在小茶飯開展的初期要領到「薪水」更是難過登天。


小茶飯運作了一段時間,喺時候諗諗未來發展方向。於是早幾個月同「老闆」研究一下開個網站。「老闆」係非常慳儉之人,當然想用零成本方法去做。做完一輪資料搜集後,發覺免費做一個都得,不過就好X煩。而登記一個較為企理既專屬domain一年都唔使$1,000,雖然都係要自己落手搞一大輪,不過起碼叫做無咁煩。本著有前無後,打死罷就精神,蝕晒都係$1,000啫,一於發動攻勢日哦夜哦,成功說服佢投資呢一大筆錢去建立一個公司網站。當然,要咁平做到個domain+Website係尅扣咗我呢位出色員工既工資啦!

出錢之餘,又經過一輪大戰後終於搞定了公司的Website。當人人話地產霸權,舖租太貴的同時,唔使$1,000一年已經租到個網上空間,其實真係抵到爛。客流雖然不及有實舖的競爭對手,但在網店盛行的年代,香港人對網店接受程度相當高,好多客都係睇完相就落單。大有大做,小有小做。網店勝在固定成本低,衰啲講句,隨時執笠都唔使蝕錢。但要生存下去,關鍵都係搵唔搵到足夠的客。

砌好個Website後當然睇睇人流如何。頭幾日都唔錯喎,有唔少人Click入嚟。由於之前做咗D功課,知道有個Apps叫Google Analytics,可以登記你個Website睇睇人流既資訊。Click入去睇真少少,發現唔係好對路,有接近一半訪客都係來自乜乜Ads或者鬼五馬六既網站名。上網做下research就發現呢D係廣告網站或者病毒網站,根本就唔係目標客。於是乎,又要諗下計去Promote一下自己個網站。其中一個選擇係落online廣告去Facebook或者Search Engine等,不過要錢就當然諗諗先。於是又諗諗免費之餘又可以增加網站人氣又有咩方法呢?最後做咗以下幾樣嘢:

1. 喺自己Facebook Promote自己開咗新網站,direct 客人過去
成效:對初開網站非常有用!Potential customer可能見有個網站,信心又大咗。

2. 喺其他用開既Promotion Channel加埋Website條Link
成效:都OK,好過無。

3. 加一大堆SEO keywords
成效:開頭做好晒Setting再去Search Engine測試,睇唔到明顯分別,要比多少少時間。

4. 寫「高質」文。呢個真係要繼續努力去做,事關網頁除咗要吸引夠多人仲要吸引人停留得夠耐,搜尋器先會比高排名你。
成效:砌完個Website後偷懶,寫得好少...要鞭策下自己。


因為SEO需要一些時間先睇到效果,所以頭一兩個月都係無乜料到。可能開咗一段時間,儲咗一定人流,最近的Weekend效果開始出嚟,有一個人流小爆發出現。平時盲中中入Website的人數平均得小貓兩三隻,但最近一日居然有十幾個人,仲要有唔少由Google同Yahoo direct過來的Traffic!而自己試下去Google同Yahoo Search相關Keywords時,發現排名前咗D,真係超感動!

雖然可能只係因為有相關Event先多咗人留意呢類Product。但無論如何,都總算有一個唔錯既進展,希望之後會更加順利!下個目標係向「老闆」爭取Budget試下落廣告。


20 則留言:

  1. 回覆
    1. 多謝支持!期待塘人都分享多D創業心得,等我偷下師!

      刪除
  2. 不況這裡post條link出來。
    讓我們評下分。

    回覆刪除
    回覆
    1. 唔會在此直接出LINK了,想保留些神秘感,亦唔想將呢度變成賣廣告平台 :)

      刪除
    2. 還想可以一睹你的風釆!

      刪除
    3. 風采真係擔當唔起,如果有幸同價值兄見面係我既光榮。

      刪除
  3. 齋睇人流, 條路仲好遙遠呢....
    二十年前我已經用緊你呢D 方法.
    要再用DD 腦筋....

    回覆刪除
    回覆
    1. 70後兄講得好啱...而家客量同規模係完全搵唔到食,繼續努力,希望可以做到大過你盤生意!(哈哈,發下夢先)

      刪除
  4. 加油醉心兄,祝生意興隆:)

    回覆刪除
  5. 回覆
    1. 多謝支持!希望你都有機會重操「故業」

      刪除
  6. 有麝自然香。只要顧客覺得內容有用,自然會搵到來。

    回覆刪除
    回覆
    1. 對,內容要有用,唔可以淨係hard sell product

      刪除
  7. 這SEM需時很久的. 至少六個月, 個人認為, 仲要配合一些BLOG 文章, facebook sharing等等. 需時很多. 我閒時也一直在搞我自己的網站, 真係好花時間, 現在已暫時放棄諗諗計了.

    回覆刪除
    回覆
    1. 抱歉,啱啱先喺垃圾桶救返Joseph兄留言,多謝分享tips。搞搞下SEM又覺得其實都未必需要太過追求「排名」,做好自己個「朵」,吸引顧客直接SEARCH品牌名似乎更實際。太刻意為搞SEM而去砌內容爭排名,好似本末倒置咗。

      多多分享大家搞網站的心得啊 :)

      刪除
  8. 以前創業就要租鋪,依家就可以網上鋪,成本係少d,但相對兢爭又大d,有辣有唔辣。

    回覆刪除
    回覆
    1. 確實係容易咗開始,多咗好多可能性,但要成功一樣咁難

      刪除
  9. 多謝分享,加油醉心兄!支持!

    回覆刪除