半杯水 (下)

續半杯水 (上)，媽，我好亂啊！20,000點究竟是阻力位還是支持位？

話過會用心理學分析下，呢度就分享下三個有關的心理學現象，呃下LIKE。名詞我慣用英文，請以英文版為準…輔以中文版供各位參考： 

1. 錨定效應 Anchoring

話說早幾天Haagen-Dazs有抽獎活動，有機會得到免費雪條和買一送一的coupon。第一天，中了買一送一coupon。哇！$29.9兩支喎，搶啦！立即到便利店入手了兩條，開心到暈！第二天，又中了N張買一送一coupon和免費coupon。唉，早知唔用買一送一啦，蠢到無朋友。

嗯…Haagen-Dazs買一送一喎，我覺得麻麻地啦，唔係太吸引，你買埋我嗰份。去到便利店換雪條時真係嚇親，每次都見到有人兩支、四支、六支、八支咁買！好辛苦行幾間先換到一支既買剩蔗！

成日話女人善變，原來自己都係咁，短短一天看法已經180度改變。

2. 選擇性失明 Confirmation Bias

近年好多人和傳媒經常會話樓價貴，好難買樓，然後搵出一大堆證據去話俾大家知樓價有幾貴，樓價好快會大跌，例如：<供樓負擔全球最高>、<香港私樓供應創紀錄達9.2萬伙>、<若加息樓價隨時跌1/3>、<負資產爆升14倍>

有趣的是，由2008年到現在只有越來越貴，但仍然有好多人有財力同有意欲真金白銀拎出嚟買樓。新盤「山卡啦囍逸」、「攞你命King's Key 120 Park YOHO Venezia」又熱銷，真係R晒頭。

3. 迷信權威 / 明星效應 Obedience to Authority

人人都會刷牙，點解牙膏要搵「專業牙醫」賣廣告呢？牙醫喎，專業嘛，梗係識關於「牙」既嘢啦。超過八成牙醫推薦喎，一定係好嘢啦。如果個牙醫係明星牙醫就更加深信不疑，買返幾箱放屋企啦。

我就未試過睇牙時牙醫用牙膏幫我刷牙啦，如果有同埋係靚女牙醫唔該介紹俾我。

更不幸的是，牙醫不一定有醫德，也不一定是真正「有牌」。賣廣告話係真心推薦？為興趣？做義工？。信唔信，自己諗啦。

心理學小知識分享完，回正題。以下故事純屬虛構，如有雷同，實屬巧合。

20,000點是高是低？(A君版本)

1. 之前24,000入唔少啦，坐緊艇，唔緊要，仲抵咗，一於溝下貨先……

2. 嗱，都話抵啦，話咁快企穩20,000點樓上，Donald Trump選總統搞好經濟，英國話脫歐都跌唔穿啦，使乜驚呀。

3. 連XX大師同YY大行都睇好，仲有ZZ Blogger話入咗貨，肯定好快爆升，即刻再追貨先。

20,000點是高是低？(B君版本)

1. N年前15,000點至近期20,000點都有買少少，唔係特別平啫，等再低位點先買啦。

2. 嗱，唔上唔落呀，睇圖仲一浪低於一浪，貼住20,000點唔上唔落，無力再升啦。美國又大選，英國又脫歐，好快煲鑊金！

3. AA大師同BB大行都睇淡，仲有CC Blogger都話要小心點，留多少少現金，都係小心駛得萬年船，機會時時有。

<加料>

咁啱搵到篇心理學crossover投資既文章，有興趣可以click入去睇睇。Surprised Again? The Anchoring Bias of Investors