「你會上當嗎？」：從眾效應 (Conformity)

有趣的實驗？你會上當嗎？

天生人是群體的動物，群居可以互相照應，互相幫助，分工合作，增加在野外的存活率，同時亦增加安全感，讓我們能得以繁衍。

這種本能衍生出一個有趣的現象，有人叫作「羊群效應」，總之就係「跟」！人越多，影響力越大。以下情景常在身邊出現：


- 有兩間賣相同產品的店舖，A店滿晒人，B店人影都無隻，即使A店價錢又貴服務又差，你仍然會找到原因解釋A店係「物有所值」。

- 排隊比錢時，你見人人購物車都有件「好睇唔好用」禮品，你好肯定係有著數，立即行返轉頭買返件。

- 網購時，你見C店好多人曾經買過同讚過，當然係唔使諗幫襯佢啦。


「是其是，非其非」。從眾故然可以讓我們較為「心安理得」，然而這並不一定是對的。我們更應該在生活中欣賞不盲目從眾的難得、可貴之人和事。


最後，在這聖誕新年佳節，「食好西」、「放閃」等行為無可厚非，但希望各位並非盲目從眾而為。估唔到呢幾日自己可以咁勤力出文 XD 原以為上一篇已經係收爐之作。在此再次祝各位新年進步。