純粹抒發個人意見及感受，自己投資及買賣，請自己分析及負責。
渣打跌下跌下，昨日仲跌穿埋$60，雖然今日彈返上嚟，但陰啲陰啲跌，其實彈少少真係無乜作為。過去的價格對今日的情況而言已經毫無關係，「有早知，無乞衣」，而家就梗係個個都識講話$100渣打都係貴，但你又點知過多一年半載後你會唔會覺得而家$60都係貴?
入貨前應該要仔細考慮一下，唔好見價錢跌咗好多，好似好平就狗衝入市。我就選擇一動不如一靜，平平哋供完股，觀望下業績先再作決定。個人考慮因素如下 (只供參考)：
一、個人有需要增加現金水平，除非有超筍機會，否則要等現金回流
二、渣打前景不明，新官剛剛上任，要一段時間才會見成績，而前朝積落的問題唔似係一時三刻可以解決到
三、用機會成本來看，市場上有更好的選擇，無謂放太重注碼在一支前景不明的股票
四、已供股，少量加了碼，再加碼的動力不大
五、繼續持有我都仲可以接受，反正現價計我又覺得值得坐下，賣完又唔知買乜好，我又無需要出到賣股呢招去增加現金
如果Winters真係咁做得嘢，下期業績已反映到有改善，到時再加碼都唔遲。睇上次份半年業績連佢自己都唔係咁樂觀，雖然唔可以排除佢想嚟一招「置諸死地而後生」，方便自己之後做靚盤數，但既然50/50的話都係小心為上。
祝各位股東好運！
多謝提醒！
回覆刪除價值兄有機會也分享下你的看法 :)
刪除其實，我真是很喜歡銀行股，這與你有出入。
刪除除持有渣打，基本上大部份本地內地國際的，我亦持有。
我反而會側重今次出事的印度及中東市場，更想了解同業印度的情況。
我覺得印度市場有得做，我想了解多些。
我是極長線股東。
價值兄對渣打信心十足呢！我同樣想了解多些，越了解越發現自己的無知。
刪除渣打這兩年不斷增加的撥備導致盈利急跌實在是我意料之外。
塘人完全地無睇過渣打呢隻股，只記得仲係香港二十幾年前樓下有一間，不過執咗之後就無乜點見過呢間銀行。
回覆刪除投資有咁多選擇，各師各法，渣打在香港慢慢縮緊
刪除供股對投資者可能有一定的心理壓力，但經歷過風高浪急的，自然更會駕馭機會，謹祝醉心兄及價值兄一切順利！
回覆刪除謝謝，Cherry。「檢討自己，不怪運氣」是我經常做的。以現時計，不得不承認年多前投資渣打十分失敗。
刪除這股我也未有研究，自認不能看懂這大盤生意。。 但我個人是喜歡買大眾完全不看好的股票的。 人棄我取，大概也與心理學有關，哈哈。
回覆刪除有時市值小的公司也不失為好的投資項目，只是波幅可能較大。我也喜歡人棄我取，但不要盲目去做，垃圾堆中垃圾始終是大多數 :)
刪除我們都知道市場瞬息萬變，營商環境十年河東、十年河西，我反而看重這間公司的公司架構與文化，大股東與小股東利益是否一致，這間公司能否在逆境中守得住，之後東山再起等。
回覆刪除現在很多人看淡傳統銀行業，Fintech將會取以代之，我並不同意。
作為渣打股東，我也期待著她東山再起的一天。至少，她有努力在改革，而我是認同這些方向的。
刪除