恒指PE及息率

恆生指數估值(資料提供:Analystz.HK)

2018年11月12日 星期一

近排跌到hum hum聲,浮一浮上面報個平安先。蟹就一定,邊有咁叻仔年頭全清港股丫。慶幸係無大幅度加大倉位溝貨,暫時保持一半現金等待機會。如果淨係計股票淨值,同年頭比較應該跌咗15-20%,都幾肉赤下。

潛水主要原因係無乜嘢好寫同埋工作十分十分忙。今年工作上有新挑戰、新轉變,進入咗打幾份工既狀態,放工想打下機都無時間。跌千點嗰啲日子想話買下貨都唔得閒,眼白白錯過咗短線反彈補下血既機會。而家啲股唯有繼續坐下,又要進入賺息蝕價mode。

十月市況尤其淡,有啲似早幾年 (大約14-15年嗰陣),個個都睇定啲,大叫Cash is King咁話,呢個時間開始入貨應該輸極有限。穩陣啲就攤長佢,月供形式慢慢入吧。跌到肉赤想賣既時候就係更加要大膽入貨既時候!

樓方面似乎終於肯跌吓。但好似我呢啲窮L,得一層上車盤自住,賣又唔係,唔賣又唔係。想住大啲但又唔想搞雙租咁煩。會唔會跌到一個位可以俾我平賣平買換間大兩房或三房呢? 而家7m - 4m = 相差3m,如果一齊跌多兩成,即係5.6m - 3.2m = 2.4m,除咗按揭易做咗之外...好似無乜大分別...

如果...7m樓跌一半,到3.5m的話,供萬幾蚊...哇,咁咪仲平過租,跌到咁的話應該全香港仆直,可能我層自住比人Call Loan都似。

我都係返去努力工作儲錢先喇!而家工作忙咗,投資一切從簡。股,得閒就買少少,慢慢儲資產。期權,短線投機都放埋一邊了;樓,最緊要住得開心同舒服,慢慢供吓當儲吓錢先啦。最緊要係珍惜同屋企人相處既時間!個女大咗,而家可以多啲帶佢出街周圍玩喇!

6 則留言:

  1. 回覆
    1. 對啊,家庭、健康、快樂比金錢重要多了。

      刪除
  2. 自住樓就不要隨便出售了,看看之後有沒有機會加按或轉按套現更多資金會比較好😍

    回覆刪除
    回覆
    1. 樓跌無得玩加按轉按啦。想比多啲空間小朋友,租大啲,玩雙租成本唔平又麻煩呢。

      刪除
  3. 同上
    也同師兄一樣很想換大屋
    但換樓成本貴,俾多次稅(賣一次,買又再一次)
    慢慢儲,再加按才是上策吧
    或細價樓樓價~=大價樓樓價(不是尺價)就是換大屋的好時機了
    生活幸福無價
    共勉之

    回覆刪除
    回覆
    1. 而家唯有住得一時得一時,儲下錢。最緊要同老婆有共識先

      刪除