恒指PE及息率

恆生指數估值(資料提供:Analystz.HK)

2018年6月11日 星期一

細細注 VS 大大注

為什麼要細細注買?
1. 怕睇錯
2. 手痕
3. 無錢

為什麼要大大注買?
1. 贏大錢

=====================================

如果你一路都好似我咁,每次雞仔注咁買,應該會發覺輸錢唔肉赤,贏錢無乜感覺。細細注買可以有千萬個原因,歸根究底就係無做足功課但又貪心想賺錢。大大注唔敢買就係怕風險高,怕輸錢。

咁有咩方法可以令自己夠膽大大注買去贏大錢? 答案就係做足功課,唔好俾自己買錯輸錢!當你唔敢大大注買既時候,可能,你根本就唔應該下注。手痕貪玩,總係會付出代價。

細細注如拍散拖;大大注似娶老婆。拍散拖係幾過癮,但要有美滿人生,都係要搵返個好老婆,勇敢commit落去。

=====================================

Charlie Munger話一生人可以發達既真正機會可能得幾次,到機會來臨時記住要大大注買。

所以,今年開始改變一吓,減少手痕既細細注買賣,耐心等每年一次半次既真正機會勇敢下注。



16 則留言:

  1. 香港買股最慘係要一手一手咁買, 少則幾千一手, 大則十萬一手
    所以好多散戶都只可拍下散拖 (包括自已)

    回覆刪除
    回覆
    1. 可以買美股,逐股計都得。

      刪除
    2. 大注細注我意思係用投資金額佔組合既百份比計, 所以幾錢一手應該無乜關係吧. 另外, 魔兄提議亦好好, 美股或大陸股逐股計, 比港股真係彈性好多...

      刪除
    3. 散戶本金少, 一手可能已經係大注。

      魔兄, 美股略有涉獵, 但要跟各位師兄多學習學習。

      刪除
  2. 回覆
    1. 我個人有保留, 大市升跌好難估下...

      刪除
    2. 理想就係咁玩...把握一次機會就發達

      刪除
  3. 個人睇法,做足功課,贏面係比較大,但不代表必贏,投資都係講值搏率。所以大大註,都唔好超出自己能力,講句廢話 - "量力而為"。

    回覆刪除
    回覆
    1. yes. 自從我幾年前開始, 用機會率同統計既角度去看投資, 成件事make sense左好多.

      我發現左好多教條主義既人 (閒時不停重複真大師的投資教條), 好多人都完全冇probability and statistics既概念

      自己投資, 對自己的資金負責任

      刪除
    2. 嗯, 我又補充下, 大注細注概念太相對。舉個實數清晰啲。

      例如: 有一球喺手,細細注=一萬,大大注=十萬或以上。一萬就算咁好眼光賺一倍都無乜感覺....而且好大機會要付出好多精神心機時間去monitor住。

      如果時間精力有限,等個真正好機會煲十萬落去,好過炒出炒入一萬幾千賺雞碎咁多。

      計值博率之餘都要問下自己係咪有咁多精神時間去「計清楚值博率」。將估十隻既精神集中去計清楚一隻效果會更好。

      P.S. 寫寫下又覺得唔係幾理性,睇嚟要回歸基本,學Joseph兄話齋,重新study一下probability and statistics概念

      刪除
  4. 做足功課唔代表就一定會啱,亦可以睇錯、計錯、中伏。
    細細注係避免「一次意外,足以致命」的風險,分散後的回報是大約等於機會率。壞處是把贏面比較少的部分入局,令平均回報減少。
    大大注則機會率外還要看今次開大還是開細(運氣比重相對高),自己未必是當時的幸運兒。
    其中的取捨(平衡點)是藝術(不容易用數學計算)。

    回覆刪除
    回覆
    1. 計數還是需要的,就好似你計曾氏通道相當有參考價值

      刪除
  5. 回覆
    1. 對,努力學習中。資金滾大咗更加需要。年青時,十萬八萬都仲可以博一舖,輸咗由頭嚟過。

      刪除
  6. 回覆
    1. 感覺大注買入嘅機會越來越近...希望到時有勇氣同智慧去行動!

      刪除